Aj kuch naya karne ki koshish kar rahi hu….kisi ne kaha k meri kahani kuch aise bayaan karo k dilo me bas jaaye…to unhi ehsaaso ko bayaan karne k liye hinglish (hindi +english) ka sahara le rahi hu.
Ye aisi bhaasha (language) hai jo har insaan k dukh sukh ko ache se bayaan karti hai, kuch shabd aise hote hai jo hum doosri bhasha me chahkar b nahi samjha paate, par hindi unhi shabdo ko ek naya roop dekar samne wale ya padhne wale k dil ko choo jati hai..
Zindagi …vo jo khuda ne bakshi hai, uski rehamato karam se hum is duniya me aaye, akar apni nanhi se ankhe kholi, aur unhi ankhons e sapne dekhne shuru kiye.
Kuch sapne humne dekhe aur kuch unhone jo humse jude huye the. Saari umar unke sapne pure karne me lage rahe. Jab paida huye to sabka sapna pura kiya duniya me akar. Thode bade huye to sapna pura kia school jakar, fir acche number lakar, khoob padhai kar kar. Unki har baat mankar, har hukum ko sir ankho par rakhkar chalte rahe bus unke sapno ki khatir. Kayi baar kanto par chale, dil par pathhar rakhkar, apna har khwab todkar, use piche chodkar bus chalte rahe unki khushiyon ki khatir. Jab hosh sambhala to har kadam rakha phoonk phoonk kar unki izzat ki khatir.
Har sapna poora kia is ummeed me sochkar ki kabhi hamara waqt b aayega, woh waqt jab ye sab milkar mera sapna pura karenge.
Woh sapna jo hosh sambhalne par dekha tha jab koi apna sa lagne laga tha, har kadam saath nibhane laga tha, poori zindagi usk naam kardi thi, apna har din, har shaam, har raat usi k naam likh di thi, jeene marne k kasme khayi thi, har waada pura karne ki kasam nibhayi thi. Khuda se dua mangi thi ki bus kuch aur ab na mile uske siwa, k ab main zinda na rahu uske bina.
Khuda ne karam dikhaya, har raah,
har modpar usse milwaya,
zindagi ko do rahe par le aya,
khusi di, ehsaas diya, jeene ka maksad diya,
har rang, har jazba , ek nay josh sa mujhme bhar diya,
na jane kyu mujhe uska deewana sa kar diya,
chalti rahi un raho par aankhe miche,
k mujhe usne awaara sa kar diya.
Chahne par bhi door na ja saki k usne baawra sa kardiya,
honth jab b kholu to bus naam usi ka aya,
k usne mere dil meri rooh par kuch is kadar kabza sa kar liya…..,,,,,,,,
Jin sapno ko main dekhti rahi is vishwaas se k ye poore honge, jinke liye maine har aaah bhari, jinke liye har kadam kanto par chali, phoolo se ladi, woh mera sapna such karenge, par jab saamna hua un sabhi sapno k saudagaro se to jana k duniya kitni zaalim hai. Kitni matlabi hai, bus apne liye hi jeeti hai, doosro ko dukh dekar unpar hansti hai, kaun apna kaun paraya, sab me dikhti hai ek si hi moh maya.
Jab un sabhi sapno k saudagaro ne mere sapno ko kuch is kadar ronda k main siskiya leti rahi, dil jalati rahi, par kisi ne b na mere dil ka haal poocha. Bus apne hi sapno ko mere aaage sajakar, mere sabhi sapno ki chita jalakar unhe rakh me milakar, mujhe nayi zindagi ki dua de di. Woh dua jo kisi baddua se bhi badtar thi, woh khushi jo kisi gum se bhari thi, aur woh zindagi jo maut se badkar thi. Fir bhicha diye meri raaho me kante, kar diya majboor, aur fir dekhte rahe mere chehre ka nakli noor.
Maine b kasam khayi thi apne pyaar ki, ta umar har waada nibhane ki, par mujhe kya pata tha k meri kismat b mujhe dhokha degi, vo b mujhe lakar do rahe par khada kar degi, fir puchegi aise sawaal
! Jinka na koi jawab na koi hisaab.
Jink liye har dukh saha,
jinke saath apne sapno ko jina chaha
aaj wahi har baat par taana dete hai,
dil dukhate hai humse ankhe churate hai.
Darr lagta hai unki bewaafi se,
jag me hoti apni tuswaai se,
k kai sawaal uth khade honge hum par
k saari ungliyan uthengi ek ek kark aur hum,
khamosh se khade rahenge un sabhi jawaabo aur sawalo ki kadi me.
Na jane kyu woh humse ladte hai, jab ye kehte hai k woh humse wacchanpyaar karte hai. Kyu hume apbe se alag samjhte hai, jab hum apne khoon ka har katra unke naam se sajate hai, kyun hamare sapno ki kadar nahi hoti, kya hum me hi koi kami hai, kya hum unse sapno k sahi hakdaar nahi, kyu khuda hime unse milwata hai jinhe umar bhar saath rehne ki dua nahi deta.
Pucha us khuda se k kya tune socha hai mere liye, kya likha hai meri zindagi meri kismat k liye, kyu aise saayon me ghir si jati hi, jahan aag ki lapte dhooye me mujhe gher leti hai, apni aagosh me sametkar mujhe daboch leti hai. K ab to nijaat de mujhe aise rehmo karam se mere khuda, mujhe aur meri zindagi ko na bana…..
” Ek ADHOORI SI DAASTAAN”
Ho sakta hai kuch dosto ko ye daastan na b achi lage par ye sab sach hai aur dil ka haal e bayaan hai. Apne vichaar jarrur vyakt kijiyega.
Posted from WordPress for Android by my SAMSUNG GALAXY TAB II.